पोखरा, भूतपूर्व खेलाडी मंच नेपालले यहि फागुन ३ गते पोखरामा आयोजना गर्ने पोखरा म्याराथनको पुरुस्कार राशी यस वर्ष बढाएको छ । सुजल डेरीको मुख्य उत्पादन सफल दुधको मुख्य प्रायोजनमा हुने “१४ औं सफल पोखरा अन्तर्राष्ट्रिय म्याराथन–२०७६” का बारेमा जानकारी दिन मंचद्वारा आयोजित पत्रकार सम्मेलनमा पुरुस्कारको राशी बढाइएको जनाएको हो ।

पोखरालाई म्याराथन शहरको रुपमा विश्वमा परिचित गराउन तथा विदेशी धावकहरुलाई आर्कषित गर्न पुरुस्कारको राशीमा वृद्धी गरिएको मंचका अध्यक्ष तेज बहादुर गुरुङले बताए । मंचले यस पटक ४२.१९५ किमीको पोखरा म्याराथनमा प्रथमहुनेलाई २ लाख नगद प्रदान गर्ने जनाएको छ । पुरुस्कारको राशी गत वर्ष भन्दा १ लाख बढेको हो । यो गत वर्षको भन्दा दोब्बर हो । त्यसै गरि दोश्रो र तेश्रो हुनेलाई क्रमश नगद १ लाख र ७५ हजार प्रदान गरिने छ भने भने चौथो हुनेलाई नगद १५ हजार प्रदान गरिने छ ।

पोखरा म्याराथनमा १० किलोमिटर महिला–पुरुष, ५ किलोमिटर छात्र–छात्रा, ह्विल चियर र दृष्टीविहिनका लागि दौडलाई निरन्तरता दिएकोछ । १० किलोमिटर तर्फको दौडमा प्रथम, द्वितिय र तृतिय हुनेलाई क्रमश नगद १५, १० र ५ हजार र ५ किलोमिटर तर्फ १०, ५ र ४ हजार प्रदान गरिनेछ । महिला–पुरुष ह्विल चियर र दृष्टीविहिन दौडका लागि समेत ५, ३ र २ हजार प्रदान गरिने मंचले जनाएको छ । पोखरा म्याराथनमा कूल २८ जना धावकहरुलाई पुरस्कृत गरिने छ ।

मंचले यस पटक प्रविधिलाई उपयोग गर्दै खेलाडी दर्ता समेत अनलाइन बाट गर्ने जनाएकोछ । पोखरा म्याराथनको  pokharamarathon.org अनलाइन र मोवाइल एप्स बाट समेत खेलाडीले सहभागिताका लागि नाम दर्ता गर्न सक्नेभएको प्रतियोगिताका संयोजक एवम मंचका वरिष्ठ उपाध्यक्ष हरि प्रसाद पराजुलीले बताए ।

पोखरा म्याराथन सफल बनाउन गत वर्ष पोखरेली मंच यूके, हङकङ नेपाली समाज, नेपाली समाज बोष्टन र न्यू ह्याम्पशायरको निकै ठूलो सहयोग रहेको बताउँदै अध्यक्ष गुरुङले यस वर्ष समेत सहयोगका लागि छलफल अगाडी बढेको बताए । ‘हामी उहाँहरुलाई धन्यबाद दिन चाहन्छौं पोखरा म्याराथनको इतिहासमा उहाँहरुले इट्टा थप्ने काम गर्नु भएकोछ ।’ यस वर्ष समेत च्यारिटीका लागि यूके बाट पूर्व भलिबल खेलाडी मन्जु गुरुङ र धावक पाण्डब महतो पोखरा आउने भएका छन । यि दुबै जना क्यान्सर जस्तो रोगलाई समेत जितेर च्यारिटी मार्फत सामाजिक अभियानमा जुटिरहेका छन ।

पोखरा म्याराथनमा रन फर फन सहित यस पटक सात हजार धावकहरु दौडने मंचले जनाएको छ । यो गत वर्षको भन्दा २ हजारले बढीहो । अध्यक्ष गुरुङका अनुसार पोखराका ४ सय भन्दा वढी विभिन्न संघ संस्थाका सदस्यहरु, विभिन्न विद्यालयका विद्यार्थी तथा शिक्षकहरु र खेलप्रेमीहरु सहभागिता जनाउन रंगशाला पुग्नेछन । यसै गरि पोखरा महानगर संग भगिनी सम्वन्ध रहेका विभिन्न मुलुकका शहरहरु बाट समेत धावकहरु आउने छन भने वल्र्ड पिस रनका विभिन्न देशका धावकहरु समेत पोखरा आउने अध्यक्ष गुरुङले बताए ।

पोखरा म्याराथन सम्पन्न गर्न करिब ३५ लाख खर्च लाग्ने मंचले जनाएको छ । मंचले पोखरा म्याराथनमा १ मिनेटको उत्कृष्ट भिडियो क्लिप बनाएर पेस गर्ने व्यक्तिलाई समेत पुरस्कारको व्यवस्था गरेको छ । विशेष गरी खेललाई शान्तिसँग जोड्ने लक्ष्यका साथ खेलकुद मार्फत पर्यटन प्रवद्र्धन गर्न ‘भ्रमण वर्ष २०२०’ लाई समेत १४ औँ संस्करणको सफल पोखरा अन्तर्राष्ट्रिय म्याराथनले भुमिका खेल्ने मंचका सचिब कृष्ण तिमिल्सिनाले जनाएका छन ।

पोखरा, २ पुष । यूवा तथा खेलकूद मन्त्री जगत वहादुर विश्वकर्मा (सुनार) ले पोखरा म्यारथन १४ औं सस्करणमा पुग्नु सबैको मेहनतको प्रतिफल भएको बताएका छन ।

भूतपूर्व खेलाडी मंच नेपालले बुधबार पोखरामा आयोजना गरेको एक कार्यक्रममा बोल्दै मन्त्री विश्वकर्माले उक्त कुरा बताएका हुन । उनले कठिन परिस्थिती संगहरु जुझ्दै शुरु भएको पोखरा म्याराथनको ईतिहास गर्विलो रहेको बताउँदै खेलकूदका अग्रज व्यक्तित्वहरुले गरेको प्रयास भावी पुस्ताका लागि सकारात्मक सन्देश प्रवाह गरेको बताए ।

पूर्व खेलाडीहरुको साझा संस्थाको रुपमा स्थापित मंच नेपाली समाजका लागि उदाहरणिय रहेको बताउँदै मन्त्री विश्वकर्माले भने–‘२०५९ सालमा पोखरा रंगशालाको पर्खाल निर्माण गरेर मंचले खेलकूदको क्षेत्रमा भावी पुस्ताका लागि गर्व गर्ने इतिहास कोरेको छ ।’ उनले मंचको इतिहास दो¥हाउँदै पोखरेलीहरुले आफ्नो छाक काटेर धेरै खेलकूदका पूर्वाधार निर्माण गरेको कुरा आफू जुन जिल्ला जाँदा पनि प्राथमिकतामा राखेर उल्लेख गर्ने गरेको बताए ।

नेपालमा आयोजना भएको १३ औं दक्षिण एसियाली खेलकूद (साग) भब्य रुपमा सम्पन्न गर्न पोखरेलीहरुले समेत ठूलो भूमिका प्रशंसनिय रहेको बताउँदै मन्त्रि विश्वकर्माले पोखरामा सागमा निर्माण सम्पन्न हुन नसकेका पूर्वाधारहरु सम्पन्न गर्ने संगै नवौ राष्ट्रिय खेलकूद तयारीका लागि रणनितीका साथ पूर्वाद्धार निर्माणमा जुट्ने बताए ।

एक प्रशंगमा मन्त्री विश्वकर्माले गण्डकी प्रदेशमा खेलकूदका लागि प्राकितिक हिसावले समेत अथाह सम्भावना रहेको कुरा उल्लेख गर्दै यसको बिकासका लागि प्रदेश सरकार र महानगरलाई एकाकार बनाएर लैजाने बताए । उनले कास्कीको घान्द्रुक, बागलुङको ढोरपाटन, मनाङ र मुस्ताङ जिल्लामा हाई अल्टीच्यूड खेल मैदान निर्माण गर्ने कुरालाई अभियानका रुपमा अगाडी बढाउने बताए ।

सो अवसरका बोल्दै मंचका अध्यक्ष तेज गुरुङले अब फागुन ३ गते हुने १४ औं सस्कारणको पोखरा म्याराथनको विदेशी धावकहरु आर्कषण बढाउन पुरुस्कार राशीमा वृद्धी गरिने जानकारी दिए । उनले प्रथम, द्वितिय र तृतियलाई क्रमश ३, २ र १ लाख नगद पुरुस्कार दिइने बताए । उनले पोखरालाई सिटी म्याराथनको अवधारणा अन्तरगत पोखरालाई म्याराथा सिटीको रुपमा पहिचान गराउन मंचले गरेको प्रयासका लागि सहयोग गर्न आग्रह गरे । खेलकुद लाई शंयूक्त राष्ट्रसंघले प्रतिपादन गरेको सन २०३० सम्म दिगो विकास लक्ष्य प्राप्तीका लागि खेलकूद अपरिहार्य रहेको उनले उल्लेख गरे ।

कार्यक्रममा मंचका वरिष्ठ उपाध्यक्ष हरिप्रसाद पराजुली, सचिब कृष्ण तिमिल्सिना लगाएतले बोलेका थिए ।

पोखरा, पोखरामा आयोजना हुने १४ औं संस्करणको ‘सफल पोखरा अन्तर्राष्ट्रिय म्याराथन’ सफल बनाउन सबैको सहयोग आवश्यक रहेको लक्ष्मी ग्रुपका कार्यकारी निर्देशक सुनिल श्रेष्ठले बताएका छन ।

पोखरा म्यारथनको आयोजक भूतपूर्व खेलाडी मंच नेपाल र प्रायोजक संस्थाका विच पोखरा म्यारथनलाई सफल बनाउन भएको छलफलमा कार्यकारी निर्देशक श्रेष्ठले पोखरालाई म्याराथनका माध्यम बाट चिनाउन मात्रै नभई खेलकुदको समेत बिकासलाई अगाडी बढाउन सुजल डेरीको उत्पादन सफल दुधले मुख्य प्रायोजकको भूमिका खेलेको बताए ।

पोखरा म्याराथनमा धेरै भन्दा धेरै पोखरेलीहरुको सहभागिताका साथै अन्तर्राष्ट्रिय क्षेत्रबाट समेत म्याराथन धावक पोखरा बोलाउन मंचले भूमिका खेल्नुपर्ने धारणा राख्दै कार्यकारी निर्देशक श्रेष्ठले म्याराथनलाई अझै ब्यवसायिक बनाउन आफ्नो तर्फ बाट सहयोग रहने उनले प्रतिवद्धता व्यक्त गरे ।

सो अबसरमा आफ्नो धारणा राख्दै भूतपूर्व खेलाडी मंच नेपालका अध्यक्ष तेज गुरुङले लक्ष्मी ग्रुपले व्यवसायिक र सामाजिक क्षेत्रमा खेलेको भूमिकाप्रति प्रशंसा गर्दै पोखरा म्याराथनमा मुख्य प्रायोजकका रुपमा सुजल डेरीको उत्पादन सफल दुधलाई पाउँदा निकै गौरवान्वित लागेको बताए । पोखरा म्याराथनलाई सफल बनाउन राष्ट्रिय तथा अन्तर्राष्ट्रिय क्षेत्रमा समेत उत्तिकै चासो बढ्दै गएको उनले उल्लेख गरे ।

पोखरा म्याराथन सफल बनाउनका लागि भएको छलफलमा लक्ष्मी गु्रपका निर्देशक निरज श्रेष्ठ, मंचका प्रथम उपाध्यक्ष हरि प्रसाद पराजुली, महासचिब खेम गुरुङ लगाएत सुजल डेरीका वरिष्ठ तहका कर्मचारीहरुको सहभागिता रहेको थियो ।

स्मरण रहोस १४ औं संस्करणको पोखरा म्याराथन आगामी फागुन ३ गते हुने भएको छ ।

पोखरा, आगामी फागुन ३ गते पोखरामा हुने १४ औं संस्करणको सफल अन्तर्राष्ट्रिय पोखरा म्याराथनलाई सफल पार्न पोखरेली मञ्च यूकेले सहयोग गर्ने भएको छ ।

मञ्चका अध्यक्ष मन प्रसाद गुरुङले पोखरामा हुने उक्त प्रतियोगिता पोखरेलीहरुको मात्र नभई सिंगो नेपालसंग समेत जोडिएकोले सो प्रतियोगितालाई सफल पार्न आफ्नो क्षेत्रबाट आर्थिक सहितको अन्य सहयोग गर्ने बताएका हुन् ।

वेलायतमा लण्डन म्याराथनमा विश्वका धेरै धावकहरु सहभागि हुने गरेको प्रशंग उठाउदै मञ्चका अध्यक्ष गुरुङले पोखरामा हुने उक्त दौडलाई पनि लण्डन म्याराथन स्तरमै चर्चा गर्दै विश्वका धेरै धावकहरुलाई समेट्न सक्नुपर्नेमा जोड दिए । उनले भने “हिमाल हेर्दै म्याराथन दौडन पाउने विश्वका कम मुलुकमा हुने यो अवसर पोखरा म्यारथना हुने हुदा यस प्रतियोगितालाई हामीले खेल पर्यटन र विदेशमा गएका नेपालीहरुलाई स्वदेश फिर्ता हुने समयको रुपमा स्थापित गर्न सक्नु पर्छ ।”

नेपालमा हुने खेलमा स्वास्थ्य र सुरक्षामा ध्यान दिनुपर्ने उनको जोड थियो । नेपालमा धेरै सौन्दर्यता भएकोले एक वर्षका लागि मात्रै नभई हरेक बर्ष जसो भिजिट नेपालको रुपमा मनाउनु् पर्ने मञ्चका अध्यक्ष गुरुङले बताए ।

भूतपूर्व खेलाडी मंचका अध्यक्ष तेज गुरुङले स्वदेश तथा विदेशबाट प्राप्त सहयोगले पोखरा म्याराथनलाई निरन्तरता दिदै आएको बताए । विजेतालाई एक लाख पुरस्कार राशी राखिएकोमा यस बर्ष राम्रो सहयोग जुटेमा विजेतालाई तीन लाख सम्मको पुरस्कार राख्ने योजना भएको उनले जनाए ।

खेललाई विश्वमा शान्तिसंग जोडन लागिएको अध्यक्ष गुरुङले बताउँदै म्याराथन पोखरा क्षेत्रको पर्यटन प्रबद्र्धन संगै भिजिट नेपाल २०२० लाई समेत सफल पार्न सहयोग पुग्ने उनले भनाई थियो । मंचका सल्लाहकार महेश गुरुङले पोखरामा हुने उक्त इभेण्टलाई धेरै आप्रवासि नेपालीले सहकार्य गर्न खोजेको जनाए ।